БЕКА
Tasnif: ’Ҳукмдорнинг, юқори мартабали амалдорнинг хотини’, ’хонадон соҳибаси’. Уй б е к а с и улкан лаганда жаркоп келтирди. Бу от асли бег отининг бей шаклига (ЭСТЯ, II, 97) кичрайтириш маъносини ифодаловчи -кä қўшимчасини қўшиб ҳосил қилинган; кейинчалик й ундоши талаффуз қилинмай қўйган, шунинг ҳисобига е унлиси чўзиқ айтилган; ўзбек тилида бу унлининг чўзиқлик белгиси йўқолган: (бек > бей) + кä = бейкä > бе:кä > бекä. Бу сўз асли ’кичик бек’ маъносини англатган.