НАРСА
Tasnif: ҳар қандай ашё, ҳодиса. Хотиннинг бериб кетган н а р с а с и уч-тўрт букланган бир қоғоз эди (Абдулла Қодирий). Қадимги туркий тилда нäрсä тарзида талаффуз қилинган бу сўз асли 'нимадир' маъносини билдирган (ПДП, 402), 'ашё, ҳодиса' маъноси кейин пайдо бўлган. Бу сўз ДСга нер сä шаклида киритилиб, не ерсä бирикмасининг бир сўзга бирлашуви натижасида ҳосил бўлгани кўрсатилган (358- бет). Демак, қадимги туркий тилда ёнма-ён келган ее унлиларидан бири талаффуз қилинмай қўйган, е унлиси кейинчалик а унлисига алмашган бўлади: не ерсä = не- ерсä > негрсä > нерсä > нарса.