СОВРИН
Tasnif: улоқ, пойга каби мусобақада ғолибларга мукофот тарзида бериладиган нарса'. Бу от совур- феълидан (' беҳуда сарфла—' маъносидан) —(у)н қўшимчаси билан ясалган, қўшимча қўшилганидан кейин иккинчи бўғиндаги тор унли талаффуз қилинмай қўйган, учинчи бўғиндаги у унлиси и унлисига, о унлиси â унлисига алмашган: совур— + ун = совурун > соврун > соврин > сâврин. Бу от дастлаб ' ҳарбий юришда ёки овда қўлга киритилган ўлжа ҳайвонларнинг бир қисмидан уй олдида учраган кишига бериладиган инъом' маъносини англатган (КРС, 655), ҳозирги маъноси ана шу маъно асосида юзага келган.