ЭМАКЛА
Tasnif: ’кафт ва тизза билан ҳаракатлан-’. Жангчи олға эмаклашда давом этди. Қадимги туркий тилдаги ’ҳаракат’ маъносини англатган эн отининг эм шаклидан -а қўшимчаси билан ясалган феълга -к қўшимчасини қўшиб от ясалган (ЭСТЯ, I, 276), сўнгра бу отга -ла қўшимчасини қўшиб феъл ясалган (ЭСТЯ, I, 276): [(эн > эм + а = эма-) + к = эмак] + ла = эмакла-. Бу феъл дастлаб гўдакнинг юриш учун қилган илк ҳаракатларини билдирган, кейинчалик умуман шу тур ҳаракатланишни англата бошлаган.