O'zbek tilining etimologik luga'ti

Print

БУГУН

Tasnif: ’сўз бораётган кун’. Б у г у н сиз билан суҳбатлашгани вақтим бўлмаса керак. Бу равиш асли бу кўрсатиш олмоши ва ’бир кеча-кундуз’ маъносини англатиб қатнашган кӱн сўзларидан тузилган бирикмани (ДС, 119: бу кўн ’сегодня’) бир сўзга бирлаштириш билан ҳосил бўлган (ДС, 132: бўкўн); авваллари кӱн сўзи таркибидаги унлининг таъсири билан бу олмоши таркибидаги ӱ унлиси ҳам юмшоқ талаффуз қилинган; кейинчалик ӱ унлиларининг юмшоқлик белгиси йўқолган; бирикма яхлит талаффуз қилингани сабабли икки унли оралиғидаги к ундоши г ундошига алмашган: бу кӱн > бӱкӱн > букун > бугун.