ЎТКИНЧИ
Tasnif: ’вақтинчалик’, ’тез ўтиб кетадиган’. Ў т к и н ч и ҳавасга берилиб, ўзингни бадном қилма. Бу сифат ’бир нуқтадан бошқа бир нуқтага ҳаракатлан-’ маъносини англатувчи öт- феълидан (Девон, I, 182; ДС, 391) эски ўзбек тилида -кӱн қўшимчаси билан ясалган отга (ЭСТЯ, I, 555) -чи қўшимчасини қўшиб ясалган; кейинчалик ö унлисининг юмшоқлик белгиси йўқолган, иккинчи бўғиндаги ӱ унлиси и унлисига алмашган: (öт- + кӱн = öткӱн) + чи = öткӱнчи > откинчи.