ҚИЛТАНОҚ
Tasnif: балиқнинг ингичка узун суяги'. Бу балиқнинг қилтаноғи кўп.' Бу от эски ўзбек тилида ' жун, соч толаси' маъносини англатувчи қыл отидан -та ( < -ла) қўшимчаси билан ясалган феълнинг ' ўзлик' маъносини ифодаловчи —н қўшимчаси билан ҳосил қилинган шаклидан — (а)қ қўшимчаси билан ясалган; кейинчалик иккинчи бўғиндаги а унлиси ä унлисига, қ ундоши олдидаги а унлиси â унлисига алмашган, ы унлисининг қаттиқлик белгиси йўқолган: қыл + та { < ла) = қылта-] + н = қылтан-} + ақ = қылтанақ> қилтäнâқ.