АЛВОН
Tasnif: Бу арабча сўз ъalvān(un) шаклига эга (АРС,
735); ўзбек тилига фатҳали ҳамзани а товушига, чўзиқ ā унлисини â унлисига алмаштириб қабул қилинган:ъalvān -» алвâн (алвон). Бу сўз 'бўяди', 'ранг берди' маъносини англатувчи lavana феълининг lavn(un) масдаридан (АТГ, 142) ҳосил қилинган кўплик шакли бўлиб (АТГ, 40), асли 'ранг-туслар' маъносини англатади; ўзбек тилида бу сўз кўчма маънода ишлатилиб, 'қизил тусли', қип-қизил' (сифат) маъносини, 'қизил тусли мато' (от) маъносини англатади (ЎТИЛ, I, 39).