АСОС
Tasnif: Бу арабча сўз ъaŝāŝ(un) шаклига эга (АРС,
33); ўзбек тилига фатҳали ҳамзани а товушига, чўзиқ ā товушини â товушига алмаштириб қабул қилинган: ъaŝāŝ —> асâс (асос). Бу сўз асли 'пойдевор қўйди', 'таъсис этди' каби маънони англатувчи ъaŝŝa феълининг I боб масдари бўлиб (АТГ, 142), 'туб қисм', 'пойдевор', 'негиз' маъносини англатади (ЎТИЛ, I, 59). Ўзбек тилида бу сўздан асосла- феъли, асосли, асоссиз сифатлари, асосчи оти ясалган.