БЎЗ III
Tasnif: Бу сўз маъно тараққиёти натижасида арабча
бўз I сўзидан (қ.) ўсиб чиққан: бўз I сўзи маъносидаги 'дағал', 'ишлов берилмаган' узвини ажратиб олиб, қолган узвларини ташлаш йўли билан ўзбек тилида 'экин экилмай ётган' маъносини англатувчи сифат юзага келган; асосан ер, жой каби ўрин отларига сифатловчи бўлиб келади (ЎТИЛ, I, 157). Бу сўзни жойдан шундай жойда ўсадиган ўтга ном сифатида кўчириш йўли билан бўз IV оти ('чўлда ўсадиган ўтсимон ўсимлик', 'чалов') юзага келган (ЎТИЛ, I, 158). Бўз III, бўз IV сўзларидан ўзбек тилида бўзлик I, бўзлик II сўзлари ҳосил қилинган; бўз III сўзи билан бўзтикан қўшма сўзи тузилган.