ЗИҚИНАФАС
Tasnif: Бу сўз тожикча изофа бирикмасига
тенг бўлиб (ТжРС, 156: зиқи нафас), 'нафаснинг
сиқилиши' маъносини англатади; ўзбек тилида бу бирикма бир сўзга яхлитланган, шундан кейин и изофаси талаффуз қилинмай қўйиб, бу сўз зиқнафас шаклини олган (ЎТИЛ, I, 308). Бундан ташқари, дза мураккаб ундоши таркибидаги д қисми асосида ўзбек тилида бу сўзнинг диқинафас шакли ҳам юзага келган ва сўзлашув тилида қ товуши қатланиб, диққинафас шаклини олган (ЎТИЛ, I, 230).