ИСЛОМ
Tasnif: Бу арабча сўз ьislām(un) шаклига эга (АРС,
370); ўзбек тилига касрали ҳамзани и товушига, чўзиқ ā товушини â товушига алмаштириб қабул қилинган: ьislām -» ислâм (ислом). Бу сўз асли salima феълининг 'бўйсунди', 'бош эгди' маъносини англатувчи IV боб шакли ьislama феълидан (АРС, 370) ҳосил қилинган масдар бўлиб (АТГ, 223), араб тилида 'Ошкoрa итоат қилиш', 'мусулмон бўлиш', al артикли билан ишлатилганида эса 'ислом дини' маъносини англатади; ўзбек тилига 'ислом дини' маъноси билан ўзлашган. Бу сўз ўзбек тилида эркак кишининг атоқли оти сифатида ҳам ишлатилади (ЎТИЛ, I, 336).