O'zbek tilining etimologik luga'ti

Print

ИҚРОР

Tasnif: Бу арабча сўз ьiqrār(un) шаклига эга (АРС, 628); ўзбек тилига касрали ҳамзани и товушига, чўзиқ ā унлисини â унлисига алмаштириб қабул қилинган: ьiqrār -> иқрâр (иқрор); кўпмаъноли qarra1 феълининг 'эътироф этди' маъноси билан (АРС, 628) ҳосил қилинган IV боб шаклининг масдари бўлиб (АТГ, 223), 'эътироф этиш' маъносини англатади (ЎТИЛ, I, 346). Бу сўз билан ўзбек тилида иқрор бўл- қўшма феъли тузилган.