КАСАЛ
Tasnif: Бу арабча сўз kasal(un) шаклига эга (АРС,
689) ; асли 'эринчоқ бўлди', 'ланж бўлди' маъноларини англатувчи kasila феълининг I боб масдари бўлиб (УАЯ, 568), араб тилида 'эринчоқлик', 'зерикиш' маъноларини англатади (АРС, 689); ўзбек тилида бу сўз 'тана аъзоларининг одатдаги фаолияти бузилган', 'бетоб' (касалман каби), 'бетоблик' (касалга чалинди каби), 'бетоб киши' маъноларини англатади (ЎТИЛ, I, 370). Бу сўз билан ўзбек тилида касаллик мавҳум оти, касаллан- феъли ясалган, касал бўл- қўшма феъли тузилган.