МАВҚЕ
Tasnif: Бу арабча сўз mavqiь(un) шаклига эга
(АРС, 905); ўзбек тилига сўз охиридаги айнни ташлаб, шунинг эвазига i унлисини е унлисига алмаштириб қабул қилинган: mavqiь -> мавқе. Бу сўз кўпмаъноли vaqaba феълининг 'юз берди' маъноси билан (АРС, 904) mafbil(un) вазнида ясалган от бўлиб (АТГ, 152), араб тилида 'ўрин', 'ҳаракат ўрни', 'ҳолат' маъноларини (АРС, 905), ўзбек тилида эса 'кишининг жамоа орасида тутган ўрни' маъносини англатади (ЎТИЛ, I, 438).