МАСЛАК
Tasnif: Бу арабча сўз maslak(un) шаклига эга
(АРС, 370); кўпмаъноли salaka феълининг 'ўзини
маълум тарзда тутди' маъноси билан (АРС, 369) ясалган от бўлиб (УАЯ, 238), араб тилида 'йўл', 'фаолият тарзи', 'хулқ' маъноларини англатади (АРС, 370); ўзбек тилида бу сўз 'ўзига хос белги-хусусияти билан фарқланиб турувчи ғоявий йўналиш' маъносини англатади (ЎТИЛ, I,450) . Бу сўздан ўзбек тилида маслаксиз сифати ясалган.