МОДДА I
Tasnif: Бу арабча сўз асли māddat(un) шаклига
эга (АРС, 745); ўзбек тилига чўзиқ ā унлисини â унлисига алмаштириб, сўз охиридаги t товушини ташлаб қабул қилинган (Худди шундай товуш ўзгариши тожик тилида ҳам воқе бўлган): māddat -» мâдда (модда). Бу сўз madda феъли мақоласида берилган, лекин бу феълга келтирилган маънолар асосида модда I сўзининг маъносини изоҳлаш қийин. АРСда (745), ЎТИЛда (I,469), ТжРСда (231) бу сўз 'нарса', 'жисм' маъносини англатиши таъкидланган.