МУСУЛМОН
Tasnif: Бу сўз тожик тилидан олинган бўлиб
(ТжРС, 243), асли арабча муслим сўзига (қ.) тожикча -он кўплик қўшимчасини (ТжРС, 536) қўшиб ҳосил қилинган; кейинчалик -он қўшимчасининг кўплик маъносини ифодалаши ўқилмай кетган; бу қўшимча қўшилганидан кейин қуйидаги товуш ўзгаришлари содир бўлган: муслимон сўзининг иккинчи бўғинидаги и унлиси талаффуз қилинмай, сл товушлари оралиғига у унлиси киритилган: муслимон —» мусулмон. Бу сўз худди араб тилидаги муслим сўзи каби, 'ислом динини
қабул қилган киши' маъносини англатади (ЎТИЛ, I, 484). Бу сўз ўзбек тилида эркак кишининг атоқли оти сифатида ҳам ишлатилади. Мусулмон сўзидан ўзбек тилида мусулмончилик мавҳум оти ясалган.