НАЗИРА
Tasnif: Бу арабча сўз nazīrat(un) шаклига эга
(АРС, 812); Ўзбек тилига изғи ундошини з ундошига, чўзиқ ī унлисини и унлисига алмаштириб, сўз охиридаги t товушини ташлаб қабул қилинган: nazīrat -> назира; асли nazara феълининг 'кузатди' маъноси билан(АРС, 810) ясалган nazīr(un) аслий сифатидан (АТГ, 43)-at(un) қўшимчаси билан ясалган от бўлиб (УАЯ, 500), араб тилида 'ўхшашлик', 'нусха', 'намуна' каби маъноларни (АРС, 812), ўзбек тилида эса 'бирор шоир асарига
эргашиб, ўша вазн ва қофия билан ёзилган шеър'
маъносини англатади (ЎТИЛ, I, 493). Бу сўз ўзбек тилида аёл кишининг атоқли оти сифатида ҳам ишлатилади. Бу сўзнинг назир (музаккар) шакли эса эркак кишининг атоқли оти сифатида ишлатилади.