САМОВИЙ
Tasnif: Бу арабча сўз samāviyy(un) шаклига эга
(АРС, 375); ўзбек тилига чўзиқ ā унлисини â унлисига алмаштириб, сўз охиридаги бир у товушини ташлаб қабул қилинган: samāviyy -> самâвий (самовий). Бу сўз само сўзидан (қ.) -ийй(ун) қўшимчаси билан ясалган нисбий сифат бўлиб, унли билан тугаган сўзга қўшилаётганлиги сабабли қўшимча олдидан в ундоши
орттирилган (АТГ, 49): само + ийй -> самовий. Бу сифат асли 'осмондаги', 'осмон рангидаги' маъноларини англатади (АРС, 375).