ҚУЛФ
Tasnif: Бу арабча сўз qufl(un) шаклига эга (АРС,
652) , ўзбек тилига fl ундошларини ўрин алмаштириб қабул қилинган: qufl -> қулф; ТжРСда (462) қулф шакли келтирилиб, қуфл шаклига ҳавола берилган; 'маҳкамлаб ёпди' маъносини англатувчи qafala феълидан (АРС, 652) ҳосил қилинган I боб масдари бўлиб (АТГ, 142), 'эшик, қопқоқ кабиларни калит билан беркитиш учун ясалган буюм' маъносини англатади (ЎТИЛ,II, 618). Бу сўздан ўзбек тилида қулфла- феъли ясалган.
Қулф сўзи сўзлашув тилида қулуп тарзида ҳам талаффуз қиланади.