ДОЛЧИН
Tasnif: Бу от асли дорчин шаклига эга бўлиб (ТжРС, 136), сўзлашув тилида р товуши л товушига алмаштирилган: долчин (ТжРС, 134); ўзбек тилига шундай талаффуз шаклида олинган; 'тропик ўсимликнинг доривор сифатида ишлатилувчи қуритилган пўстлоғи' маъносини англатадиган бу
от (ЎТИЛ, I, 232) асли 'касалликни даволашда ишлатиладиган модда' маъносини англатадиган тожикча дору отига (ТжРС, 136) 'ол-', 'йиғ-' маъносини англатадиган чидан феълининг чин ҳозирги замон асосини (ТжРС, 136, 137) қўшиб ҳосил қилинган, иккинчи бўғиндаги у товуши айтилмагани оқибатида дорчин шакли ва ундан долчин шакли юзага келган.