ДУРЎЙА
Tasnif: Бу от 'икки' маъносини англатадиган тожикча ду саноқ сони
(ТжРС, 137) ва 'бет (юз)' маъносини англатадиган рў отининг (ТжРС, 329) рўй шакли билан (ТжРС, 331) тузилган ду рўй бирикмасига -а қўшимчасини (ТжРС, 543) қўшиб ҳосил қилинган бўлиб, 'икки томони бир хил қилиб тўқилган мато' маъносини англатади (ТжРС, 141; ЎТИЛ, 1,241). Бу сифат билан тожик тилида 'иккиюзламачи' маъноси ҳам англатилади.
Ўзбек сўзлашув тилида бу тожикча отнинг иккинчи бўғинидаги ў товуши а товушига алмаштириб айтилади.