O'zbek tilining etimologik luga'ti

Print

ЖУВОНМАРГ

Tasnif: Бу бирлик ПРСга [джаванмарг] шаклида (156), ТжРСга човон(и)марг шаклида (510), ЎТИЛга эса жувонмарг шаклида киритилган (I, 290); демак, ўзбек тилига форс тилидаги шаклнинг биринчи бўғиндаги а товушини у товушига алмаштириб олинган. Бу бирлик 'ёш' маъносини англатадиган жувон оти билан (к.) 'ўлим' маъносини англатадиган марг отидан таркиб топган бўлиб, тожик ва ўзбек тилларида 'ёшлигида вафот этган' маъносини англатади. Катта ёшдаги аёллар нутқида бу бирлик жувоннимак бўлгур қарғиш феъли таркибида ишлатилади; бу ерда н товушидан кейин ни товушлари киритилади, р товуши айтилмайди, охиридаги г товуши к товушига алмашади.