СЎЗАНА
Tasnif: Бу от 'игна' маъносини англатадиган тожикча сўзан отига
(қ.) -а қўшимчасини (ТжРС, 543) қўшиб хосил қилинган бўлиб, ўзбек тилида 'сидирға газламага гул тикиб тайёрланган, деворга осиладиган безак буюми' (гулкўрпа) маъносини англатади (ЎТИЛ, II, 94). Бу от ТжРСда сўзани шаклида келтирилиб, юқоридаги каби маънони англатиши айтилган (371); ПРСда хам шундай шаклда келтирилиб, 'чойнак остига, оёқ
остига тўшаладиган гул тикилган мато' маъносини англатиши айтилган (296). Кўринадики, бу от ўзбек тилида янги маънони англатиш учун ишлатилади.