АСАЛ
Tasnif: Бу арабча сўз ъasal(un) шаклига эга (АРС,
515) ; ўзбек тилига фатҳали айн товушини а товушига алмаштириб қабул қилинган: ъasal -» асал. Бу сўз 'суркалди', 'ёпишди' маъносини англатувчи ъasala феълининг I боб масдари бўлиб (АТГ, 142), асли ёпишқоқ нарса' маъносини англатган, кейинчалик бу сўз 'арининг бир тури ўсимликлар нектарини тўплаб, қайта ишлаб тайёрлайдиган ўта ширин қуюқ масаллуқ'нинг номига айланган (АРС, 515; ЎТИЛ, I, 57). Бу сўз ўзбек тилида аёл кишининг атоқли оти сифатида ҳам ишлатилади.