МУБОРАК
Tasnif: Бу арабча сўз mubārak(un) шаклига эга
(АРС, 67); ўзбек тилига чўзиқ ā унлисини â унлисига алмаштириб қабул қилишган: mubārak -> мубâрак (муборак). Бу сўз асли кўпмаъноли baraka феълининг 'Олло эҳсон қилди' маъносидан ҳосил қилинган III боб мажҳул нисбат сифатдоши бўлиб (АТГ, 249), 'бахт-эҳсон келтирувчи', 'қутлуғ' каби маънони англатади (ЎТИЛ, I, 474) . Бу сўз ўзбек тилида аёл кишининг атоқли оти сифатида ҳам ишлатилади.