ОПОҒОЙИ
Tasnif: ёши катта аёлга ҳурмат билан мурожаат қилишда ишлатиладиган сўз. О п о ғ о й и, ўғлингиз қачон келадилар? Бу от âпâқ сифати ва âйи отидан ту— зилган бирикманинг бир сўзга бирлашуви билан юзага келган, икки унли оралиғидаги қ ундоши ғ ундошига алмашган: âпâқ + âйи > âпâғâйи. Бу сўз ўзбек тилида âпâйи шаклида ҳам мавжуд бўлиб, бунда âпâғ сўзи охиридаги ғ ундоши талаффуз қилинмай қўйган, шунинг натижасида ёнма—ён келиб қолган â унлилари сингишиб, бир унлига бирлашган: âпâғâйи > âпââйи > âпâйи. Бу сўз âпâқи шаклида ҳам ишлатилади, бунда âпâқ сўзи аслини сақлайди, âйи сўзининг âй қисми талаффуз қилинмайди: âпâқ + âйи > âпâқи.