САРИМСОҚ
Tasnif: пиёзсимон кўпйиллик ўсимлик'. Бултур саримсоқнинг нархи кўтарилиб кетди. Бу ерда қадимги туркий тилдаги ' ўра-' маъносини англатган сару- феълидан (Девон, III, 278) -м қушимчаси билан от ясалган ва ундан -са қўшимчаси билан феъл ясалган, кейин бу феълдан -қ қўшимчаси билан яна от ясалган; эски ўзбек тилида у унлиси ы унлисига алмашган (КРС, 637); кейинчалик ы унлисининг қаттиқлик белгиси йўқолган, биринчи а унлиси ä унлисига, қ ундоши олдидаги а унлиси â унлисига ал— машган: [(сару- + м = сарум) + са = сарумса- + қ = сарумсақ > сарьшсақ > сäримсâқ. Қадимги туркий тилда бу сўзнинг товуш жиҳатдан ўзгарган сармусак, самурсақ шакллари мавжуд бўлган (Девон, I, 480) Бу шаклларнинг биринчисида ум товушлари, иккинчисида р ва м товушлари ўрин алмашган. Ўзбек тилига бу сўзнинг юқоридагича товуш алмашувларига учрамаган илк шакли етиб келган.