БОШМАЛДОҚ
Tasnif: ’панжадаги биринчи йўғон бармоқ’. Урушда ўқ бошмалдоғини шартта узиб кетган. ЎТИЛда таъкидланишича, бу сўз бâш бäрмâқ бирикмасининг бир сўзга бирлашуви билан тузилган (I,
139) , бâш сўзи ’энг олдинги’, ’биринчи’ маъноси билан қатнашган; бу қўшма сўзнинг шаклланиш жараёнида бир неча босқичли товуш ўзгариши воқе бўлган: аввал бäрмâқ сўзи бошланишидаги б ундоши м ундошига, кейин иккинчи бўғин бошидаги м ундоши д ундошига, сўнгра р ундоши л ундошига алмашган: бâш бäрмâқ > бâшмäрдâқ > бâшмäлдâқ.