ЎЙИНЧОҚ
Tasnif: ’болалар ўйини учун ясалган буюм’. Қизига янги ўйинчоқлардан олиб берди. Бу от эски ўзбек тилида ойун отидан -чақ қўшимчаси билан ясалган (ЭСТЯ, I, 437); кейинчалик бу сўзнинг иккинчи бўғинидаги у унлиси и унлисига, қ ундоши олдидаги а унлиси â унлисига алмашган: ойун + чақ = ойунчақ > ойинчâқ. Бу сўз таркибидаги -чақ қўшимчаси ’ўлчами меъёрдан кичик’ маъносини англатувчи чақ сўзи асосида юзага келган, шунга кўра ойинчақ сўзи асли ’кичик ўйин’ маъносини англатган.