
БУЖУН
Tasnif: ’қарағайнинг бир тури’. Каттакон б у ж у н остидаги қизил дарвозадан.. чиққан мўйса— фид.. (Абдулла Қаҳҳор). Бу от қадимги туркий тилдаги ’буриш-’ маъносини англатган бўз- феълидан -(ӱ)н қўшимчаси билан ясалган; кейинчалик з ундоши ж портловчи ундошига алмашган; ўзбек тилида ӱ унлиларининг юмшоқлик белгиси йўқолган: бӱз- + ӱн = бӱзӱн > бӱжӱн > бужун. Девонда бужын сўзи келтирилиб, ’ҳар хил ўт ўсимлиги’ маъносини англатиши айтилган (Девон, I, 379).