БУРЧОҚ
Tasnif: ’бир йиллик дуккакли ўсимлик’. Ер бўш қолмасин деб б у р ч о қ экдик. Бу от қадимги туркий тилдаги ’айлантир-’ маъносини англатган бур- феълидан (ЭСТЯ, II, 264) —(у)ч қўшимчаси билан ясалган отга кичрайтириш маъносини ифодаловчи -(а)қ қўшимчасини қўшиб ҳосил қилинган; кейинроқ иккинчи бўғиндаги тор унли талаффуз қилинмай қўйган (ДС, 125); ўзбек тилида қ ундоши олдидаги а унлиси â унлисига алмашган: (бур- + уч = буруч) + ац = буручац > бурчақ > бурчâқ.