АСО
Tasnif: Бу арабча сўз ъaŝāt(un) шаклига эга (АРС, 520);
ўзбек тилига фатҳали айн товушини а товушига, сад товушини с товушига, чўзиқ ā товушини â товушига алмаштириб, сўз охиридаги t товушини ташлаб қабул қилинган: ъaŝāt —> асâ (асо). Бу сўз асли 'калтак билан урди' маъносини англатувчи ъаŝа феълидан ҳосил қилинган қурол оти бўлиб (АТГ, 353), араб тилида 'калтак' маъносини, ўзбек тилида эса 'таяниб юриш учун хизмат қиладиган ингичка, узун, силлиқ таеқ' маъносини англатади (ЎТИЛ, I, 58).