ДАВО
Tasnif: Асли арабча бўлган бу от сўз dab(un) шаклига
эга бўлиб, 'касаллик', 'хасталик' маъносини англатади (АРС, 265). Форс (тожик) тилида бу сўз даво шаклига эга бўлиб, ўзбек тилига шу шаклида қабул қилинган; 'дори', 'дори-дармон' маъносини англатади (ПРС, 227; ТжРС, 112), Кўринадики, асли 'касаллик' маъносини англатган сўз форс тилида 'касалликни тузатишга ёрдам берадиган дори-дармон' маъносини англатишга хизмат қилдирилган; ўзбек тилига ана шу маъноси билан қабул қилинган бу сўз кейинчалик 'шифо' маъносини ҳам
англата бошлаган (ЎТИЛ, I, 203). Охирги маъно асосида бу сўздан ўзбек тилида давола- феъли ясалган.