ЖУМА
Tasnif: Бу арабча сўз ҫumъat(un) шаклига эга (АРС,
138); ўзбек тилига фатҳали айн товушини а товушига алмаштириб, сўз охиридаги t товушини ташлаб қабул қилинган: ҫumъat -> жума. Бу сўз асли кўпмаъноли
ҫumаъа феълининг 'тўплади', 'жамлади' маъноси билан (АРС, 137) ҳосил қилинган I боб масдари бўлиб (УАЯ, 568), араб тилида 'ҳафта', 'ҳафтанинг охирги куни' маъносини (АРС, 138), ҳозирги ўзбек тилида 'ҳафтанинг бешинчи куни' маъносини англатади (ЎТИЛ, I, 291). Жума куни ҳозир ҳам ислом мамлакатларида ҳафтанинг дам олиш куни ҳисобланади.