ИДОРА
Tasnif: Бу арабча сўз bidārat(un) шаклига эга (АРС,
266); узбек тилига касрали ҳамзани и товушига, чўзиқ ā унлисини â унлисига алмаштириб, сўз охиридаги t товушини ташлаб қабул қилинган: bidārat -> идâра (идоpa). Бу сўз кўпмаъноли dara феълининг 'фаолият кўрсатди' маъноси билан (АРС, 265) ҳосил қилинган IV боб масдари бўлиб (АТГ, 224), 'бошқарувчи ташкилот', 'бошқарув ташкилоти ўрнашган бино' маъноларини англатади (ЎТИЛ, I, 314).