ЙЕСИР
Tasnif: Бу арабча суз асли yasīr(un) шаклига эга
(АРС, 918); узбек тилига чўзиқ ī унлисини и унлисига, а унлисини е(э) унлисига алмаштириб қабул қилинган: yasīr -> йесир (есир). Бу сўз АРСда 'қулай бўлди', 'муваффақиятга эга бўлди' маъноларини англатувчи yasira феълига бағишланган мақола таркибида берилган бўлиб (АРС, 918), шу феълнинг I боб масдарига тенг (АТГ,143); араб тилида 'асир', 'қул' маъноларини англатади; ўзбек тилида ёлғиз ўзи ишлатилмайди, йетим-йесир жуфт сўзи таркибида қатнашади (ЎТИЛ, I, 250); демак, йетим-йесир жуфт сўзи асли 'отаси ўлган ёки тутқунликка тушган' маъносини англатади. Йасир сўзи таркибидаги а унлиси йетим сўзи таркибидаги е унлиси таъсирида ўзгарган.