НОИЛ
Tasnif: Бу арабча сўз nāъil(un) шаклига эга (АРС, 842) ; ўзбек тилига чўзиқ ā унлисини â унлисига, касрали ҳамзани и унлисига алмаштириб қабул қилинган: nāъil -» нâил (ноил); кўпмаъноли nala феълининг 'эга бўлди', 'етишди' маъноси билан (АРС, 841) ҳосил қилинган I боб аниқ нисбат сифатдоши бўлиб (АТГ, 147),
'эга бўлувчи', 'етишувчи' маъносини англатади (ЎТИЛ, I,507). Бу сўзнинг ноила муаннас шакли аёл кишининг атоқли оти сифатида ишлатилади. Наил сўзи билан ўзбек тилида ноил бўл- қўшма феъли тузилган.