НУР
Tasnif: Бу арабча сўз nūr(un) шаклига эга (АРС, 838);
ўзбек тилига чўзиқ ū унлисини у унлисига алмаштириб қабул қилинган: nūr —> нур; 'ёғду таратди' маъносини англатувчи nārа феълининг (АРС, 837) I боб масдари бўлиб (УАЯ, 568), 'ёғду', 'зиё' маъносини англатади (ЎТИЛ, I, 513). Ўзбек тилида бу сўздан нурлан- феъли,
нурли, нурсиз сифатлари, охирги сифатдан нурсизлан-феъли ясалган; тожик тилидан бу сўз қатнашадиган нури дида изофа бирикмаси нури дийда шаклида олинган; 'яна ҳам яхши' маъносини англатувчи нур ало нур
(нур устига нур) бирикмаси ҳам ишлатилади. Булардан ташқари, ўзбек тилида Анвар сўзи ҳам мавжуд; бу сўз арабча nūr(un) сўзининг ъanvār(un) кўплик шакли бўлиб (АРС, 838), фатҳали ҳамзани ā товушига, чўзиқ â
унлисини а унлисига алмаштириб қабул қилинган: ъanvār(un) -> анвар; ўзбек тилида эркак кишининг атоқли оти сифатидагина ишлатилади.