ОДИЛ
Tasnif: Бу арабча сўз ъādil(un) шаклига эга (АРС,
502); ўзбек тилига чўзиқ фатҳали айн товушини â унлисига алмаштириб қабул қилинган: ъādil —> âдил(одил). Бу сўз 'тўппа-тўғри шаклга эга бўлди' маъносини англатувчи ъadala феълининг I боб аниқ нисбат сифатдоши бўлиб (АТГ, 147), 'адолат билан иш қилувчи' маъносини англатади: одил ҳакам каби. Бу сўз ўзбек тилида эркак кишининг атоқли оти сифатида ҳам ишлатилади (ЎТИЛ, I, 521).