ОМОН
Tasnif: Бу арабча сўз ьаmān(un) шаклига эга (АРС,
45); ўзбек тилида фатҳали ҳамзани а товушига, чўзиқ ā товушини ҳам â товушига алмаштириб қабул қилинган: ьаmān ->âман (омон). Тожик тилида бу сўзнинг бошланишидаги фатҳали ҳамза аслига яқин а товушига алмаштирилган (ТжРС, 25: амон); ўзбек тилида иккинчи
бўғиндаги а унлисининг таъсири билан биринчи бўғин унлиси ҳам а унлисига алмашган, ана шундай товуш уйғунлигини акс эттирувчи талаффуз ва ёзиш адабий меъёр деб қабул қилинган. Бу сўз асли 'хавф-хатарсиз
бўлди' маъносини англатувчи ьаminа феълининг I боб масдари бўлиб (АТГ, 142); араб тилида 'хавф-хатарсиз'маъносини, ўзбек тилида эса шу маъно асосида юзага келган 'соғ-саломат' маъносини англатади: Омонмисиз? каби (ЎТИЛ, I. 536). Омон сўзи ўзбек тилида эркак кишининг атоқли оти сифатида ҳам ишлатилади.