САМАРА
Tasnif: Бу арабча сўз samarat(un) шаклига эга
(АРС, 113); Ўзбек тилига се ундошини с ундошига алмаштириб, сўз охиридаги t товушини ташлаб қабул қилинган: samarat самара; 'мева (ҳосил) берди' маъносини англатувчи samara феълининг I боб масдари бўлиб (АТГ, 143), араб тилида 'мева', 'ҳўл мева' маъносини англатади (АРС, 113); ўзбек тилида бу сўз билан, юқоридаги маънодан ташқари, 'натижа' маъноси ҳам
англатилади (ЎТИЛ, II, 17). Бу сўздан ўзбек тилида самарали, самарасиз сифатлари ясалган.