САНДИҚ
Tasnif: Бу арабча от асли sundiq(un) шаклига эга
(АРС, 446); тожик тилига ўзлаштиришда сад ундоши с ундошига, биринчи бўғиндаги қисқа i унлиси а унлисига алмаштирилган, иккинчи бўғиндаги унлининг чўзиқлик белгиси йўқолган: sunduq —> сандуқ (ТжРС,
341); ўзбек тилига тарихан шу шаклида ўзлашган бўлиб, ҳозирги ўзбек тилида иккинчи буғиндаги у унлиси и унлисига алмаштирилган: сандуқ —> сандиқ; араб тилида 'катта-кичик ҳажмдаги яшик' маъносини англатади(АРС, 446); ўзбек тилида 'рўзгор буюмлари, асосан кийим-кечак солиб қўйиладиган қулф-калитли катта
яшик' маъносини англатади (ЎТИЛ, II, 18). Бу сўздан ўзбек тилида сандиқча, сандиқчи сўзлари ясалган.