СУПА
Tasnif: Бу арабча сўз асли suffat(un) шаклига эга
(АРС, 438); ўзбек тилига сад ундошини с ундошига алмаштириб, ff товушларидан бирини ташлаб, иккинчисини п ундошига алмаштириб, сўз охиридаги t товушини ташлаб қабул қилинган: suffat -> супа; saffa
феълининг 'тўшади' маъноси билан ҳосил қилинган I боб масдари бўлиб (УАЯ, 568), араб тилида 'тош ўриндиқ', 'токча', 'пешайвон' маъноларини англатади (АРС,438); ўзбек тилида 'ўтириш, ётиш учун одатда тупроқдан
тўртбурчак шаклида ер сатҳидан тизза бўйи кўтариб қурилган жой' маъносини англатади (ЎТИЛ, II, 84).