ИЧБУРУҒ
Tasnif: ’йўғон ичакнинг яллиғланиши касаллиги’. Ҳўл меваларни тоза ювиб емагани учун и ч б ур у ғ бўлиб қолибди. Бу от ичи буруғ гапининг бир сўзга бирлашуви билан юзага келган; сўзлашув нутқида бу сўз охиридаги қ ундоши ғ айтилади, шунга кўра ғ ёзиш қабул қилинган: ичи буруқ > ичи буруғ; бу гап бир сўзга бирлашуви билан ичи сўзининг иккинчи бўғинидаги тор унли талаффуз қилинмай қўйган: ичи буруғ > ичбуруғ. Бу сўзнинг юзага келишини бошқача талқин этиш ҳам мавжуд: ич буруғи бирикмаси бир сўзга бирлашган, шу муносабат билан -и эгалик қўшимчаси талаффуз қилинмай қўйган: ич буруғи > ичбуруғ.