ЙАӉРА
Tasnif: ’жаранглаб эшитил-’. Залда болаларнинг овозлари я н г р а д и. Бу феъл қадимги туркий тилдаги ’жаранглаган товуш’ни ифодаловчи йаӊ тасвир сўзининг (ЭСТЯ, IV, 122) -(ы)р қўшимчаси билан кенгайган шаклидан -а қўшимчаси билан ясалган; -а қўшимчаси қўшилганидан кейин иккинчи бўғиндаги тор унли талаффуз қилинмай қўйган (ДС, 234); ўзбек тилида а унлилари ä унлиларига алмашган: (йаӊ + ыр = йаӊыр) + а = йаӊыра- > йаӊра- > йäӊрä-.