ЙАПАЛОҚ
Tasnif: ’энига ва ёнига кенг’. Азмиддин Талъатбекнинг .. я п а л о қ бурнидаги тиг изига, совуқ кўзларига қараб ўйга толди (Ҳамид Ғулом). Бу сифат қадимги туркий тилдаги ’энига ва ёнига кенг’ маъносини ифодаловчи йалп тасвир сўзидан (ЭСТЯ, IV, 100) -а қўшимчаси билан ясалган феълнинг кучайтириш маъносини ифодаловчи -ла қўшимчаси қўшилган шаклидан -қ қўшимчаси билан ясалган, кейинчалик л ундоши талаффуз қилинмай қўйган; ўзбек тилида биринчи, иккинчи бўғиндаги а унлилари ä унлиларига, қ ундоши олдидаги а унлиси â унлисига алмашган: [(йалп + а = йалпа-) + ла = йалпала-] + қ = йалпалақ > йапалақ > йäпäлâқ.