ЙАРИМ
Tasnif: ’бирор нарсанинг икки тенг қисмидан бири’. Ой ҳам қора парда ичида я р и м юзини очиб, ер юзига мўралаб қўйди (Абдулла Қодирий). Бу сўз қадимги туркий тилда ’бўлакларга ажрат-’ маъносини англатган йа:р- феълидан -(ы)м қўшимчаси билан ясалган (ЭСТЯ, IV, 147), кейинроқ а: унлисининг чузиқлик белгиси йўқолган (ПДП, 386; Девон, III, 26; ДС, 241); ўзбек тилида а унлиси ä унлисига алмашган, ы унлисининг қаттиқлик белгиси йўқолган: йа:р- + ым = йа:рым > йарым > йäрим.