ЙАРОҚЛИ
Tasnif: ’бирор нарсага ёки бирор мақсадда ишлатса бўладиган’. Текширув нашижаси тупроқнинг дамба учун я р о қ л и эканини кўрсатиб турибди (Жонрид Абдуллахонов). Бу сифат асли қадимги туркий тилда ’яроқли бўл-’, ’бирор мақсадга хизмат қил-’ маъносини англатувчи йара- феълининг -ғу сифатдош қўшимчаси билан ҳосил қилинган шаклига -луғ қўшимчасини қўшиб ясалган (ДС, 239: йарағулуғ), кейинроқ учинчи бўғиндаги у унлиси талаффуз қилинмай, охирги бўғиндаги у унлиси ы унлисига алмашиб, йарағлмғ шакли юзага келган (ДС, 239); ундан кейин иккинчи бўғиндаги ғ ундоши қ ундошига, қ ундоши олдидаги а унлиси â унлисига алмашган, сўнгра сўз охиридаги ғ ундоши талаффуз қилинмай қўйган: (йара- + ғу = йа- рағу) + луғ = йарағулуғ > йарағлиғ > йарақлиғ > йарâқли.